നിന്റെ ചിറകുകളായിരുന്നു
എന്റെ രക്ഷാകവചം.
ഉച്ചവെയിലത്ത് നീ എനിക്കു
ചിറകിന്റെ തണലേകി
നന്ദിയുണ്ട്
പെരുമഴയത്ത് നീ എന്നെ
ചിറകിന്റെ കുട ചൂടിച്ചു
നന്ദിയുണ്ട്
ഉഷ്ണകാലത്ത് വീശിയും
തണുപ്പുകാലത്ത്
ചിറകിന്കീഴിലൊതുക്കിയും
നീ എന്നെ കാത്തു
നന്ദിയുണ്ട്
ഒടുവില് ആ ചിറകിന് കീഴില്
നീയെന്നെ ഞെരിച്ചു കൊന്നു
അന്നാണ് നിന്റെ മുഖം തിരിച്ചറിഞ്ഞത്
കഴുകന്റേതിനോട് എന്തെന്നില്ലാത്ത
സമാനത.
എങ്കിലും...
നിന്റെ ചിറകുകളായിരുന്നു
എന്റെ രക്ഷാകവചം.
വൈകിയ തിരിച്ചറിവിലും
നന്ദിയുണ്ട്...
Wednesday, December 2, 2009
Wednesday, October 7, 2009
സീതായനം
രാമായണത്തിലെ സീതായനങ്ങളുടെ
പാഠാന്തരങ്ങള് തിരഞ്ഞ്
വരികള്ക്കിടയിലൂടെ ഞാനുഴലുമ്പോള്
ആദികവിയുടെ ഭവ്യമായ ചോദ്യം;
"മകളേ...
നീ തന്നെയല്ലേ സീത?"
അല്ല...
ഞാനല്ല സീത.
പകലും രാത്രിയുമാകാന് കൊതിക്കാത്ത
നിഷ്കളങ്കതയുടെ സന്ധ്യയാണ് ഞാന്
പ്രഭാതമാണ് ഞാന്
ഉദയത്തിന്റെ സീമന്തരേഖയും
അസ്തമയത്തിന്റെ ചിതാഗ്നിയുമാണ്
ചിറകറ്റുവീണ ആ മാടത്തയാണു ഞാന്.
പാഠാന്തരങ്ങള് തിരഞ്ഞ്
വരികള്ക്കിടയിലൂടെ ഞാനുഴലുമ്പോള്
ആദികവിയുടെ ഭവ്യമായ ചോദ്യം;
"മകളേ...
നീ തന്നെയല്ലേ സീത?"
അല്ല...
ഞാനല്ല സീത.
പകലും രാത്രിയുമാകാന് കൊതിക്കാത്ത
നിഷ്കളങ്കതയുടെ സന്ധ്യയാണ് ഞാന്
പ്രഭാതമാണ് ഞാന്
ഉദയത്തിന്റെ സീമന്തരേഖയും
അസ്തമയത്തിന്റെ ചിതാഗ്നിയുമാണ്
ചിറകറ്റുവീണ ആ മാടത്തയാണു ഞാന്.
Saturday, September 12, 2009
ചിന്തയുടെ ഗണിതശാസ്ത്രം
ചിന്തയുടെ ഗണിതശാസ്ത്രം
ഇപ്പോള് ഇതേതാണ് സമയം?
എപ്പോഴാണുറങ്ങിയതെന്നോര്മ്മയില്ല
ഇപ്പോഴാണുണര്ന്നത്
ഇതു പകലുമല്ല രാത്രിയുമല്ല
ഇനി വരാനുള്ളത് പകലോ
രാത്രിയോ?
ഒരുവേളപകല്
ഏയ് രാ...
നിര്ണയിക്കാനാവുന്നില്ല.
തലയിണയില് കൈമുട്ടുകുത്തി
തലയുമായ്ച്ചേര്ന്ന് ത്രികോണം തീര്ത്ത്
'വളവില്ലാതെ' ചിന്തിച്ചിരിപ്പായി.
ചിന്തയുടെ ചൂടുതട്ടി
ഭിത്തിയില് തൂങ്ങിക്കിടന്ന വൃദ്ധഘടികാരം
കാലങ്ങള്ക്കുശേഷം ഒന്നു ഞരങ്ങി
എത്രമണി അടിയണമെന്ന് മൂപ്പര്ക്കും
രാത്രിയില് ഉറങ്ങണോ പകലൂറങ്ങണോ എന്ന്
എനിക്കുമറിയില്ല...
മൂപ്പര് പഴയപടി ധ്യാനത്തില്
ത്രികോണം ഒരു നേര് രേഖയാക്കി ഞാനും ...
ഇപ്പോള് ഇതേതാണ് സമയം?
എപ്പോഴാണുറങ്ങിയതെന്നോര്മ്മയില്ല
ഇപ്പോഴാണുണര്ന്നത്
ഇതു പകലുമല്ല രാത്രിയുമല്ല
ഇനി വരാനുള്ളത് പകലോ
രാത്രിയോ?
ഒരുവേളപകല്
ഏയ് രാ...
നിര്ണയിക്കാനാവുന്നില്ല.
തലയിണയില് കൈമുട്ടുകുത്തി
തലയുമായ്ച്ചേര്ന്ന് ത്രികോണം തീര്ത്ത്
'വളവില്ലാതെ' ചിന്തിച്ചിരിപ്പായി.
ചിന്തയുടെ ചൂടുതട്ടി
ഭിത്തിയില് തൂങ്ങിക്കിടന്ന വൃദ്ധഘടികാരം
കാലങ്ങള്ക്കുശേഷം ഒന്നു ഞരങ്ങി
എത്രമണി അടിയണമെന്ന് മൂപ്പര്ക്കും
രാത്രിയില് ഉറങ്ങണോ പകലൂറങ്ങണോ എന്ന്
എനിക്കുമറിയില്ല...
മൂപ്പര് പഴയപടി ധ്യാനത്തില്
ത്രികോണം ഒരു നേര് രേഖയാക്കി ഞാനും ...
Subscribe to:
Posts (Atom)